U ghjaddu

Si lampaia u ghjaddu à i maestri in a Corsica sana, 'ssa tradizioni faci parti di i tradizioni di l'andana di Carnavali, chi da un mesi (da a Pasqua Pifania à a prima duminica di quaresima ) hè passata à una sittimana cumincendu a duminica grassa.


Lampà u ghjaddu porta a pruspirità è a ficundità à quiddu chi u ricevi !
'ssu ritu, com'è i mascari si facia in i festi di l'annu novu rumanu.
Dapoi a media età, è di manera più sicura dapoi u 19 ° sèculu, pà suppurtà meddu i privazioni di a quaresima si faciani pucenichi è riti paganiin andana di Carnavali.


Oghji
I variazioni di u lampà di u ghjaddu sò nùmarosi, s'hè ancu lampatu l'agneddu in Bonifaziu è u lapinu in u Boziu à u 20° sèculu!
Pà Carnavali ùn si ni parli ! Pà via di u turisimu si faci avali ancu di maghju ! variazioni econòmica !

Ugni scola t'ha i so abitudini è i so custretti chi hè meddu à rispittà:
pò essa u marti o u vènnari sicondu l'annati chì hè una festa mobuli, i ziteddi poni scapà o stà in iscola mascarati !

U tuttu hè di lampà u ghjaddu !
è di mantena u spiritu pusitivu di 'ssa tradizioni !

Quist'annu certi scoli primarii lamparani u ghjaddu u 16 frivaghju pà marti grassu , A u culleghju è à u liceu sarà u vennari 19 .

I parenti d'ilevi A.P.C poni fà cunnoscia a tradizioni à l'altri parenti :


mittindu un affissu, inviendu e-mail, spiichendu à bucca...

Poni dinò aiutà i parenti è i ziteddi à urganizassi pà dà ugnunu calcosa da cumprà u ghjaddu, infrisgittallu è lampallu !